പരാതി

ഒരു തിമിംഗലം  പോയിട്ട്
ഒരു കുഞ്ഞു മത്സ്യം പോലും

അതിനെ തൊട്ട് നോക്കിയില്ല,

കാരണം
ചൂണ്ടയ്ക്കും  കൈക്കും ഇടയിലുള്ള
ചരടിന്  ബലം പോരാ എന്നായിരുന്നു
അവരുടെ പരാതി

തിരിച്ചറിവ്

അന്ന്
വാപ്പയും സഹോദരങ്ങളും
പ്രവാസങ്ങള്‍ക്ക് ഇടവേള  നല്‍കി
സ്വന്തം കൂടാരത്തില്‍ ചേക്കേറുമ്പോള്‍
നല്ല അത്തര്‍ മണമായിരുന്നു അവർക്ക്

ഇന്ന്
അവര്‍ സഞ്ചരിച്ച പ്രവാസ വഴിയിലൂടെ
സഞ്ചരിക്കുമ്പോള്‍
ഞാന്‍ തിരിച്ചറിയുന്നു

അത്
ചോര നീരാക്കിയ വിയര്‍പ്പിന്‍റെ മണമായിരുന്നു എന്ന്.